Xeribî Wekî Mirinê ye

Cîyê ezê dixwazim ji min pir dûr e
Xemên feqîrî yê dilê min de kûr e
Gul û kulîlkan dîsa min re venadan
Derdê min derdêkî mezine ne hûr e

Gava qala war û welatê me dikin
Hêşê min di nav serê min de radikin
Min xem û xeyalên xwe xist nav dilê xwe
Di nav dilê min de bêrîna vedikin

Xerîbî û xîzanî stûyê min xwar kir
Dilê min êşand û jiyana min tal kir
Bi rojekî têr bi mehan jî birçî me
Pergal, min re derê bêhêvî yê vekir

Xizanî ne bûya kes gund bar nedikir
Min jî derê xerîbî yê venedikir
Xerîbî û hesret ji min re bû mirin
Min jî tu car xwe re darbest çênedikir

01.05.2016
Stenbol