Xerîbî Şiiri - Mehmet Çobanoğlu

Ez dixwazim erdê me warê me hat bîra min
Min berhevkin, serhevkin derê dilê min vekin
Xerîbî jî tim kule wek gurekî xwîn xware
Dilê min de welat e nav de gora min vedin

Kurdîstan hat bîramin hûn qet mekin şîna min
Rabin werin min bibin, axa me de min çalkin
Bihar, havîn, zivistan gulan çikin li ser min
Ez qurbana koma we, min bêwelat nehêlin

Ew gava ez bimirim û newal bi kendan de
Hûn piçek ax bidin min, şîlanek jî li nav de
Ez gorî we şivanan bilûra lixin bo min
Bi awazan bigîrîm şeng û şahî jî nav de

Vekin vekin dilê min navde jî evîna min
Gul, gulpikên zozanan, berîvanên gelê min
Ax min bîra welat kir Kurdîstan jî canê min
Pir xweşike Qaqizman, Şewan jî bû gundê min

Kesera dilê mine êşa nav canê mine
Welatê min pir dûr e; xerîbî qeda mine
Min berhevkin, serhevkin derê dilê min vekin
Gazindê min jî ewe xerîbî tim dû mine

04.12.2011
Yildirim