Xemla Zozanan Sebra Dilanî

Dem havîn e, pez û dewar çûn çêrê
Delala min, wele îro xweş roj e
Kerema xwen derdora me binhêre
Taxa mêrgan û zevîyan beroj e

Bêderew tu pir bedew pir xweşikî
Li bigire her destê min, tu min şake
Keça devken, tu tim dilgeş, tim rûgeş
Porên gungulî ser milan de bake

Tu him bextî, him gulî, him gulîlkî
Kenê te, ser lêvên te de çirûskin
Bi rastî, ew biskên ber porê te de
Ji bo min şax û çiqil, per û baskin

Nêrgîza min gul, kulpik hev pêçîyan
Dem havin’e kelekela germê ye
Nav newalan, kendan de çavkanine
Bê te bihar û havîn wek sermê ye

Tu xemla zozana yî, sebra dilanî
Qet min dûrnekeve, ezê binalim
Her der bêrî ye, tu jî bêrîvanî
Ne xort ne cîwanim, bo te dihelim

Mehmet Çobanoglu
22.12.2017
Stenbol