Xemla Çiyakî Şiiri - Mehmet Çobanoğlu

Warzên warê me geşin
Kevrên nav de jî reşin
Qaz û werdekên me jî
Tim bi hev re dimeşin

Dora gundê me rez e
Xemla çiyakî berz e
Pir rinde pir şêrîne
Li ber çemê Erez e

Ser laskan de simbilin
Nav baxan de bilbilin
Keçik diçin kanîyan
Milan wan de zembîlin

Nanê me tim helal e
Ava me pir zelal e
Bi rastî bêkêmanî
Xezala me delal e

Warê me warê Kurdan
Me tu rê nadan cerdan
Em her hebin gelên me
Me dil da şêr û merdan

04.06.2015
Stenbol