Xal yerine Şiiri - Sevinc Arzulu

İtin quyruğun basma,
Səni yeyər yal yerinə.
Rəqib sözə qulaq asma,
Özünü qoy kal yerinə.

Taleyimlə barışaram,
Keçmişimə qarışaram.
Ürəyimlə danışaram,
Dayanaram lal yerinə.

Tez-tez dəyişir əhvalım,
Bu dünyadan gedim, qalım.
Zəmanə də elə zalım,
Zəhər verər bal yerinə.

Ayrılığı yarışdırma,
Həsrət ilə barışdırm.
Rəngləri çox qarışdırma,
Qara gələr al yerinə.

Misra-misra oxun, yarım.
Qədrin billəm yoxun-varın.
Nə olar ki toxunmayın,
Ürəyimin xal yerinə.
03.04.2024.