Welê dı Torê Bo Şiiri - Ercan Cengiz

Welê dı tore bo qı
Cımone welgona
Qutay orte ma
Baqılıni niya...

Welê dı tore bo qı
Cımone welgona
Amay xoncıka ma ser
Cımone welgona
None ma wenay,

Wacımı pize to
Wesanira taseno, hasa
Wacımı cıme to
Xoncıkıre wesano, hasa
Welê dı tore bo qı
Raodı ji miyonay
Serê xo rocra daranaywe
Qarı dı peyderay...

Nau bi serrı werdı serrıra
Dı qemerê to namê pêser
Feqe xo qı kenay ya
Noğdê xami vecinê

To dımıra
Domani piye xore wane qı
No merıq cay zırceno
Welê dı tore bo
Na hala, zırcaisa
Amay qutay orte ma
Ma sewacı mı

Ji xeberı zanimı qı
Hewalina to zede nesona
Cay le ma deray to zanay
Welê dı tore bo qı
Zımıstan nao ama
Tengıdêri mı
Xerê to mare çinnibi ya^

Derde to qi quto zerre ma
Zerre ma wêno derdê to
Wacımı qı cıme ma
Mısaybı kılaute to
Welê dı tore bo
Remais remaisa
Cay dısmeni werra fetelinay
Cay recone ma dıma enay

Wela şurı dı tore bo qı
Serê bonodı domani qute zeüto
Zeüto qenne to dımıra
İ zeüti qı mara düri serê
Pıroşine lıngone tora
Wela şurı dı tore bo...

K-31

Domani Fınderê

Urce bıra urce
Eyro qi mequira
Asmı çinniya
Cınauri urzene.

Bıza belêqını name
Bızêka xo melena,
Wenge kutiki bıriyo
Mal ağıldı tilbeno.

Urce bıra urce
Waxte rakutenı niyo
Höyn ze dısmeniyo
Höynra urce bıra

Teber tariyo
Astari nê asene
Cıllo wadare
Domani fınderê
Camerdi rauqere
Mefındere bıra
Mefındere...

K-09

Welê dı Mıro bo

Gım ı gımma, herd zerrifino
Tıfangi pekênê rao dı, koo dı
Wesani tesani
Wey wey wey...

Maa xo sebıqêro
Cı wellê xoreqêro
Non çinno, sıt çinno
Rüti repali, kınci çinne
Rao dere jibenê
Xegai xo wesenê
Bono xo wesenê
Domani, weyweqi
Ceniqi, mormeqi
Adır verra remane
Welgora remane
Wey wey wey

No cı zulmo
Xort dırbetıno
Naleno
Qes çinno
Beqêso
Wele de mıro bo
Wey wey wey

Naleti sero fıkariyi
Naleti sero beqêsini
Naleti sero kotiyini
No cı halo
No cı derdo
No cı pukko

Astari çinne
Roj çinno, ro çinno
Maa xo sebı qero
Cı welle xore qero

Pukeleka
Domani sıt vazene
Sıt çinno
Non vazenê
Non çinno
Berbenê
Jibene
Wele dı mıro bo.

K-30