Wekî Yezdan Heye Şiiri - Mehmet Çobanoğlu

Ez ne dewlemend û ne gunehkarim
Kedkarim, xebatkarim ez dostnasim
Wekî yezdan heye, ma ev çi zilme?
Ez mirovim ez kesê mirovnasim

Çima derdê vê dinê li min zehfe?
Ez deng û nav, keyîtî yê naxwazim
Nimêj, hac, zikat, boraq ji min re çi?
Ez azadî û şadî yê dixwazim

Bi rastî ne sermest û ne jî dîn îm
Perî, cin, melaîke ji min re çi?
Kurdî zanim, qible çîye nizanim
Tim dibêjim bihuşt tune! We got çi?

Bi salan e derd dev ji min bernade
Agir ket nav canê min bi her sawrê
Li her der gulîstan be ji min re çi?
Erd û esman li ser min de tê xwarê

Ez ne korum ne bêaqil ne ji ker im
Di jiyanê de qet dadmendî tune
Hinek kes hêjar hinek jî kedxwarin
Wê gavê bi rastî dahêner tune
28.04.2016
Stenbol