Ez Kîjan Kula Xwe Bêjim

Bêdermanim, bêçareme
Ez kîjan kula xwe bêjim
Dilo, dlo ev çi halin
Wan çavên felek birêjim

Xwezî, xwezî ez bimirim
Welat bibe cebana min
Zehf bêhalim, bêçareme
Ka dermanê kezeba min

Min heşere, min xezebe
Kêzik, buxik bêhêvîne
Roj pir reş e, roj wek qîre
Ne lîbasin, ne nîvîne

Bo welat ez pir xemgînîm
Ez bêbextan venakişim
Mîna xema xeribî yê
Lehî, lehî derd dikişim

Li bêderew, ji dil û can
Warê xelkê nabe welat
Sond û weleh ez dimirim
Bêrûmetî nabe xelat

Mehmet Çobanoglu
22.04.2021
Stenbol