Vüsalının xestesi Şiiri - Sevinc Arzulu

Üz tutmuşam taleyin qapısına,
Daxil olmaq bəlkə oldu nəsibim.
Salam deyim dostların hamısına,
Görən tufan yollarını kəsibmi?

Yaman sərtdir ayrılığın tufanı,
Sevənləri bir-birindən ayırar.
Kimgörəcək, kim çəkəcək səfanı,
O da yəqin hicri görsə bayılar.

Ürəyimin atəşində qovrulub,
Səni qarsar sözlərimin istisi.
Xatirələr külək ilə sovrulub,
Mən olmuşam vüsalının xəstəsi.
27.06.2019