Vüsalın ocağında Şiiri - Sevinc Arzulu

Ulduzların zər libası,
Lap əynimə biçilib.
Bu həyatın əlifbası,
Gözlərimdə kiçilib.

Hərfləri çox xırdadır,
Oxuya bilmirəm heç.
Sevgi sözü axırdadır,
Tanrım,günahımdan keç.

Sənə sevgim bir başqadır,
O məhəbbət bir başqa.
De,sən özün salmadınmı,
Məni bu vaxtsız eşqə.

Mən nə gördüm bu sevgidə,
Kədərdən,qəmdən savay.
Yarımadım heç sevgidən,
Salmıram da hay-haray.

Yaşayıram öz ömrümü,
Həsrətin qucağında.
Yandıraram köz ömrümü,
Vüsalın ocağında.