Vüsalın melekleri Şiiri - Sevinc Arzulu

Ürəyim dönübdür yaralı neyə,
Az qalır ümiddən al-əlvan geyə.
Eh, məni yarıma çatdırsın deyə,
Öpdüm arzuların lələklərindən.

Vüsalı könlümə qonaq eylədim,
Ayrılıq zalıma qınaq eylədim,
Sorğunu ən gözəl sınaq eylədim.
Soruşdum vüsalın mələklərindən.

Hərbi paltarını geyibdi hicran,
“Qələbə mənimdir”-deyibdir hicran.
Yenə qapımızı döyübdü hicran,
Baş aça bilmirəm kələklərindən.