Vüsalımla el-ele Şiiri - Sevinc Arzulu

Heç çoxalma, olduğun tək qal, həsrət.
Güzarını cəhənnəmdən sal, həsrət.
Bilirsənmi,üzər səni lal həsrət,
Yol yaxınkən hicran ilə vidalaş.

Demə ötən bir həvəsdir Xumarın,
Görən yenə nədir qəsdi Xumarın.
Yol gözləyər sənin məsti-xumarın,
Şeyx Sənan tək dərələr keç, dağlar aş.

Təkcə məni qəlbə həmdəm sanarsan,
Atəşimə odlanarsan, yanarsan.
Ayrılığa yaxın düşsən, donarsan
Vüsalımla əl-ələ ver, qucaqlaş.