Vülkan püskürür Şiiri - Sevinc Arzulu

Sevdanın əvvəli, sonu varmıdır,
Dərdlərin ən azı onu varmıdır.
Mərəzin qapqara donu varmıdır,
Ayrılıq asqırır, hicran öskürür.

Sevdik nağılları, əfsanələri,
Şahidi olduq biz,eh, gör nələrin.
Heç yola getməyir xatirələrin,
İçimdə yenə də vulkan püskürür.

Buludlar ağappaq qarı ələyə,
Dayanaq altında, dönək mələyə.
Billəm, imkan versək zalım fələyə,
Bizi yer üzündən əbədi kürür.