Veteninde qonaqsan Şiiri - Sevinc Arzulu

Sən bir Şəhid bacısı,
Ürəyində acısı.
Sən sözünün hacısı,
Kəm gözlərdən iraqsan.

Ayrılıqdan keçməyən,
Kədəri dost seçməyər.
Alaqları biçməyə,
Itilənmiş oraqsan.

Hamı gedər evinə,
Kim gülə,kim sevinə.
Gur yanırsan.Dibinə
Nur sallmayan çıraqsan.

Sən dostlara gərəkli,
Süfrəsi duz-çörəkli.
Azərbayan ürəklim,
Türkiyədən soraqsan.

Insanlar min xislətdə,
Ömür çürür həsrətdə.
Yaşayırsan qürbətdə,
Vətənində qonaqsan.