Vecime deyilsen Şiiri - Sevinc Arzulu

Sevgi səmasında çaxa qalmışam.
Iki əl, bir də ki yaxa qalmışam.
Çox da ki dalınca baxa qalmışam,
Eh, mənim vecimə deyilsən ki sən.

Hava qəm qoxuyar çəndən də qabaq,
Min gözəl olubdur məndən də qabaq.
Özüm parlayıram səndən də qabaq,
Şeh, mənim vecimə deyilsən ki sən.

Eşqə sadiq olan düz ürəyim var,
Həyata keçməyən yüz diləyim var.
Məhəbbət ətirli yaz küləyim var,
Meh, mənim vecimə deyilsən ki sən.
4.12.2012