Var edenim Şiiri - Sevinc Arzulu

Vüsalın gözün oyub,
Həsrətdən çətin doyub.
Sevdiyin tənha qoyub,
Özgəsin yar edənim.

Ilk baxışdan gör, tanı,
Mənim kimi dost hanı.
Gen, işıqlı dünyanı,
Başıma dar edənim.

Bumu qurduğun plan,
Hər hərifi bir yalan.
Həsrəti qara ilan,
Hicranı mar edənim.

Bu dünyanın heçində,
Ayrılığın köçündə.
Məni düşmən içində
Bir anda xar edənim.

Şeytan bizi güldürüb,
Sonra həddi bildirib.
Sevdalısın öldürüb,
Başqasıı var edənim.