Vaqifin meqberesi Şiiri - Sevinc Arzulu

Bu nə gözəl təntənə,
Bu nə özəl ənənə.
Şuşamızın şəninə,
Şairlər söz hörəsi.

Fərəhimiz, nəşəmiz,
Yaşıl gözəl guşəmiz.
Azad oldu Şuşamız,
Sevindik göz görəsi.

Hərb neçə can alıbdır,
İgidlər qan alıbdır.
Limana yan alıbdır,
Qəhrəmanlar bərəsi.

Şair fikrə dalacaq,
Ona şeir qalacaq.
Dağlara səs salacaq,
Cəsurların nərəsi.

El torpaqdan güc alr,
Düşmənindən öc alır.
Göy səmaya ucalır,
Vaqifin məqbərəsi.