Üzüler Şiiri - Sevinc Arzulu

Gözıərinin giləsindən,
Səhər balı süzülər.
Onun zərif şöləsindən,
Yazıq canım üzülər.

Üzülər ki addımların,
Bir az da yavaş olsun.
Məhəbbətdən umduqlarım,
Qan olsun, savaş olsun.

Bu savaşın sonundaca
Bəlkə məğlub olarıq.
Ayrılığın donundaca
Milyon yaşa dolarıq.

Yaşa dolub ağıllanaq,
Gələrək özümüzə.
Şeirləşək, nağıllanaq
Bələnək sözümüzə.

Bu sözün hər hərifinin,
Qiymətini bilək biz.
Eşqin ismi-şərifinin
Göz yaşını silək biz.

Ağlamasın eşq dünyamız,
Gözündən yaş düşməsin.
Şirin olsun hər röyamız,
Duyğular üşüməsin.

Üşüməsin hisslərimiz,
Qəlbimiz istilənsin.
Qoy azalsın pislərimiz,
Niyyəti tüstülənsin.

Bizim könül dünyamızda,
Yaxşılara yer olsun.
Yel əsməsin qayamızdan,
Duyğularım şer olsun.