Uzaq qaçıram Şiiri - Sevinc Arzulu

Mən uzaq qaçıram xatirələrdən
Çünki hər birisi bağrımı dəlir,
Dəlinən yerdən qan göyə yüksəlir.

Mən uzaq qaçıram xatirələrdən
Yadıma düşəndə gözümün yaşı,
Bəndi-bərəni də yıxıban aşır.

Mən uzaq qaçıram xatirələrdən
Ağrısı-acısı göz önündədir,
Heykəl tək dayan-dur,köz önündədir.

Mən uzaq qaçıram xatirələrdən
Çox zaman incidir, əzir ruhumu,
Ağır addımlarla gəzir ruhumu.

Mən uzaq qaçıram xatirələrdən
O qədər fikirlər yorubdur məni,
Bağışla.əzizim, unutdum səni.

Mən uzaq qaçıram xatirələrdən
Bu tayda qalıram günahkar kimi,
O tayda durmusan sadiq yar kimi....