Candan severiz Hâlikı müştak-ı cemâliz
Yandık şerer-i aşka talebkâr-ı visâliz
Minhac-ı hakikatte giden erdi murâda
Biz reh-i melâmette nigeh-bân-ı kemâliz
Andelib-âsâ gönül bu âh ü vâveylâ nedir
Şeh-i hûbnın elinden ettiğin şekvâ nedir
Zülf-i şeb-nârından önce var mı câ-yı dil-küşâ
Yoksa me'va-yı ferahza na-beca da'va nedir
Nice bir katlanayım cevr-i civâne nice bir
Nice bir yalvarayım gonca dehâna nice bir
Kime arz eyleyeyim derd-i derûnum eya
Yârdan ayrıda yoktur marâz-ı aşka şifâ
Rahat yüzü görmez dokunan kalb-i hazine
Bâis nedir ey ruh-ı revan çin-i cebine
Gelseydin eğer külbe-i ahzâna çekeydim
Hâk-i kademin sürme gibi ayn-ı yakine
Ey melek simâ bana bu cevr ü istiğnâ nedir
Sine pür-gam dide pür-nem serde bu sevdâ nedir
Ahter-i baht-ı siyâhımdır beni dil-hûn eden
Çerh-i nâ-sâz-ı felekten ettiğim şekvâ nedir
Ey güzel oldum sana bir kerre mail çâre ne
Nar-ı aşkın sineden olmaz ki zâil çâre ne'
Mushaf-ı hüsnün okurken şerhin ey gül perihan
Zülf-i müşkînin cemâle oldu hail çâre ne
Bî-tekellüf gül yüzün gülşende yârin görmüşüz
Gerden-i simînde zülf-i müşk-bârın görmüşüz
Parlayıp ufk-ı emelden kevkeb-i ikbâlimiz
Fecr-i sâdıkta şuâ-yı tâb-dârın görmüşüz
Sevdiğim göster cemalin çekme ruhsâra nikaab
Pertev-i hüsnün senin görsün utansın âfitâb.
Hûri-i Cennet misin bilmem nesin ey dil-rüba
Kaçma benden gel beri halim harâb ettin harâb.
Hüsnûn ey şanlı güzel âfet-i devran oluyor
Her gören nergis-i çeşmin sana hayran oluyor
Seni terkeyleyemem der-zeban ey gonce dehen
Eseri mihr ü vefâsında nümâyan oluyor
Cihâna her gelen bir bir giden insânı görsünler
Bu sırrı fehmedenler hikmet-i Yezdânı görsünler
Bu dünyada ümidin kesmeyenler lutf-ı Mevlâdan
Yarın dâr-ı bekaada Rahmet-i Rahmanı görsünler
Bu şaire henüz hiç kimse yorum yapmadı. İlk yorum yapan sen ol!