Üreyinin ağ yerine Şiiri - Sevinc Arzulu

Dilə gəlməz telli sazım,
Xəyallar içində azım.
Hansə kəlmələri yazım,
Ürəyinin ağ yerinə.

Bu yollardan çox gedilib,
Gülü-çiçəyi didilib.
Billəm adım həkk edilib,
Ürəyinin sağ yerinə.

Cahan sənsiz bomboş, viran,
Gözümdən getməzsən bir an.
Dostum, özüm olum qurban,
Ürəyinin dağ yerinə.

Dərdə dərman olmaz həkim,
Son şəklini necə çəkim.
Mavi-yaşıl güllər əkim,
Ürəyinin bağ yerinə.

Sağda yasdı, solda toydu,
Bu dünyadan,eh, kim doydu.
Hansı namərd atəş qoydu,
Ürəyinin yağ yerinə.