Üreyimsen Şiiri - Sevinc Arzulu

Işvəsi, nazı olan,
Uçmağa hazır olan,
Sozünə nazir olan,
İşıqlı böcəyimsən.

Eh,namərdə söz batmaz,
Ocağına köz atmaz.
Gözlərinə göz çatmaz,
Füsunkar göyçəyimsən

Boylan şerin sətrindən,
Danış sözün xətrindən.
Doymuram ki ətrindən,
Mənim gül-çiçəyimsən.

Yolunu bizlərdən sal,
Nənənin qeydinə qal.
Geyindirrəm səni al,
Qızılgül ləçəyimsən.

Tezlik ilə gəlib çıx,
Həsrətin evini yıx.
Əllərimi bərk-bərk sıx,
Sən mənim ürəyimsən.