Üreyimin ağrısı Şiiri - Sevinc Arzulu

Bəzən geri boylanmağım,
Ağrı verir, acı verir.
Bəzən fələk şad yerinə,
Dərdi-qəmi bacı verir.

Ürəyimin ağrısını,
Kim hiss edər mənim kimi.
Söylə sözün doğrusunu,
Durma eşqə qənim kimi.

Eh, nədir bunca çəkdiyim,
Zalım fələk, aralı dur.
Dərd bişdiyim, qəm əkdiyim
Ayrılıq fərəhi udur.

Muncuq-muncuq göz yaşını,
Mirvari tək asım, gedim.
Itiləyim yaddaşımı,
Bağrımaca basım, gedim.

Budur mənim istədiyim,
Budur mənim and-amalım.
Yox kimisə pislədiyim,
Var öz ağlım, öz kamalım.

Bununçun sənə borcluyam,
Təkcə sənə, ulu Tanrım.
Anayam, hissin quluyam,
Həsrət çəkməkdən qurtarım.

Yetir övladımı mənə.
Gözü baxsın gözlərimə.
Unutmasın heç adımı,
Qulaq assın sözlərimə.
11.11.2018