Ürek dözmür Şiiri - Sevinc Arzulu

Qiyamətin ilk günüydü,
Məni tərk etdiyin gün.
Mən vüsalın küskünüydüm,
Oldum eşqinə sürgün.

Göy dalğalar həzin-həzin,
Mənə layla çalacaq.
Eh, görəsən hansı izin,
Səni yada salacaq.

Sevib-sevilən xoşbəxtdir.
Baxıb köks ötürürəm.
Aman Allah, bu nə bəxtdir,
Dərddən qəm götürürəm.

Əgər dönsən,ümidlərim
Addım atıb yeriyər.
Səni məndən alan dünya,
Qaytarmaz ki geriyə.

Sahilimi vuran dalğa
Uzağa aparacaq.
Ürək dözmür heç sınağa,
Köksümdən qoparacaq.