Unutmamışım Şiiri - Dr İlhame Müslümova

Mən onun dünyaya gələn ilini,
Gününü, ayını unutmamışam …
Məni yoldan edən şirin dilini,
Səsini, hayını unutmamışam …

O hər gün, neçədə, hardan keçirdi….
Yeməklər içində nəyi seçirdi ,
Qaynar xoşlayırdı, tündmü içirdi ,
Sevdiyi çayını unutmamışam…

Dalınca söysəm də yalqız qalanda,
Onu qınasam da tənha olanda,
Sevdiyi bir şeyi görüb alanda
Onun da payını unutmamışam…

Həmişə dilimdə soraqdı mənim ,
Varlığı ömrümə maraqdı mənim ,
Çox da ki gözümdən iraqdı mənim ,
Qəlbimin tayını unutmamışam…

Neynim , vaz keçmədi tərs inadından,
Qüruru enmədi quş qanadından …
Bəlkə adım belə çıxıb yadından….
Kipriyi sayını unutmamışam…