Unutmadım baxışlarını Şiiri - Sevinc Arzulu

O qızıl qolbaqlı bilək də yoxdur,
O arzu, o istək, dilək də yoxdur.
Fərəhlə döyünən ürək də yoxdur.
Ki çəkə rəsminə naxışlarını.

Bəzən doğruçuym,bəzən də yalan,
Bəzən fərəhliyəm, bəzən də nalan.
Ay mənim özümü özümdən alan,
Silərəm gözünün yağışlarını.

Obalar köçübdür, ellər keçibdir.
Yağışlar yağıbdır, sellər lkeçibdir.
Aradan gör neçə illər keçibdir
Bir gün unutmadım baxışlarını.