Unutdum seni Şiiri - Sevinc Arzulu

Görəndə o qəmli baxışlarını,
Mən necə durdurum yağışlarını.
Silə bilməyəndə göz yaşlarını,
Yalançı sözlərlə ovutdum səni.

Qara fələk, atma daha oxunu,
Aparmısan dost-tanışın çoxunu.
Zalım həsrət qaçırdanda yuxunu,
Laylayla, ninniylə uyutdum səni.

Sən fərqi tapmazsan cəmin içində,
Çiçək boy atmaz ki nəmin içində.
Bu qədər kədərin,qəmin içində,
Bağışla, əzizim, unutdum səni.