Ümidlerin Şiiri - Sevinc Arzulu

Ümidlərin arzuları çığnayır,
Qapımızı kim döyəcək birinci.
Istəklərim ürəyimə sığmayır,
Öz-özünü kim öyəcək birinci.

Eh, nədənsə günü-gündən azalır,
Ümidimi sevənlərin sırası
Üzü gülmür, yanaqları sozalır,
Sağalmayır qəlbindəki yarası.

Ümidimin ayaqları qızıldan,
Hara getsəgül açacaq qədəmi.
Ağlayarsa könül közüm cızıldar,
Göz yaşlarımin bir dərdi ödəmir.

Deyirlər ki sonda ölən ümiddir,
Razı olma günahsızı öldürək.
Həsrət özü ayrılığı sevibdir,
Təkcə qalan hicri necə güldürək.

Bilirəmki daha geri qayıtmaz,
Nə o bahar, nə o payız, nə o qış.
Xatirələr ruhumuzu oyatmaz?,
Ay əzizim, gəlişinə min alqış.
17.04.2019