Ümid yoxunmu Şiiri - Sevinc Arzulu

Kədərin kamına yetəndən bəri,
Fələyin dediyin edəndən bəri,
Üz tutub Şimala gedəndən bəri,
Əllərim əlinə daha toxunmur.

Hisslərimi tünd rəng ilə yazarım,
Ayrılığın yollarında azarım.
Sən gedəli xarabadır bazarım,
Kitabım bağlanıb vallah, oxunmur.

Ay əzizim, geyinib xaram sarı,
Günəş çıxıb, boylanır qaram sarı.
Heç olmasa söz ilə yaram sarı,
Bir gilə ümid də söylə, yoxunmu.