Uğur Şiiri - Sevinc Arzulu

Hasildir arzu, dilək,
Sevinclə vurur ürək.
Uğur, adın mübarək,
Uğur gətir özünlə.

Həmişə xoş çağlı ol,
Vətəninə bağlı ol.
Azərbaycan oğlu ol,
Tonqal qala közünlə.

Sevənlərdir sağ-solun,
Ətir saçır gül kolun.
Qızlar dəyişər yolun,
Sənin bircə sözünlə.

Anan murada yetər,
Atan bülbül tək ötər.
Nənə, baba fəxr edər,
Addımınla, izinlə.

Böyü, ol igid aslan,
Həyat deyil ki asan.
Bir zaman paylaşasan,
Toy gününü bizimlə.