Uçurdaram men Şiiri - Sevinc Arzulu

Fələk taleyimi oynuna salıb,
Qüssənin qoynunda xəyala dalıb.
Səni sevdiyimi boynuma alıb,
Sirrimi astaca pıçıldaram mən.

Vüsala çatmaqçun şam kimi alış,
Könlümü almaqçun səbr edib çalış.
Şənə bəxş edərəm gözəl bir gülüş,
Kədəri gözündən qaçırdaram mən.

Bu sevgi hələ də yarımürgülü,
Bu eşqə ayrılıq yarımır, gülüm.
Daha sevdam mənə yarınmır, gülüm,
Həsrəti külək tək uçurdaram mən.