Ucalara qaldırar Şiiri - Sevinc Arzulu

Su tökdürər közlərimə.
Sis çökdürər sözlərimə,
Yol çəkdirər gözlərimə,
Xəyallara daldırar.

Qocalığı dada düşsə,
Cavanlığı bada düşsə,
Uşaqlığı yada düşsə,
Oyuncaq da aldırar.

Heçdən dolmaz heç bir zaman,
Vaxtsız solmaz heç bir zaman.
Məğlüb olmaz heç bir zaman
Düşmənləriə saldırar.

Dönər mülayim mələyə,
Uymaz ki hiylə-kələyə.
Istəsə zalım fələyə,
Min bir hava çaldırar.

Ayrıldıqmı yəni, dostum,
Unutmaram səni, dostum.
Sənin sevgin məni dostum
Ucalara qaldırar.