Uca çinar Şiiri - Sevinc Arzulu

Sevgidən qiymətli dünyada nə var,
Məhəbbət yeri də göyə qaldırar.
Vüsal baxçasının gülün soldurar,
Bircə an həsrətin küləyi əssə,

Eşqin keşiyində qeyrətlə durar,
Sədaqət qalasın cürətlə qurar.
Yerində durmaz ki, sürətlə vurar,
Əgər ki ürəyim görüşə tələssə.

Nədəndir sevirəm bunca çinarı,
Dünyanın özü tək qoca çinarı.
Gözlərim axtarar uca çinarı,
Yolumun üstündə bitən vələssə.
04.03.2019