Tu Warê Me yî Şiiri - Mehmet Çobanoğlu

Welatê me sozên me ji bo te ye
Di nav dilê me de evîna te heye
Me got: heta wê roja serfiraziyê
Hebûn a gelê me hertim xera ye!

Welatê me sozên me ji bo te ye
Di nav dilê me de navê te heye
Me got:hege welat rizgar nebe
Bo gelê me tucarî jiyan tune ye..!

Welatê me tu rûmetî û tu şeref î
Tu dayikî tu evîna me Kurdan î
Em rêwiyê doza hemû gela nin
Tu giyana û tu dil û canê me yî..

Welatê me em zarokên gela nin
Em dozvanê azadîya Kurda nin
Ew gelên mezlûm yê bindestan
Em li bo wan çol û çiyan digerin!

Ax welat ax goştê me helisndin
Ji dil û hinavên me hincirandin
Birîna me kûr e êşa me jî giran e
Bi salan e ser me de gule dibarin.

Kurdistan me sonda mirinê da te
Ew sozê nav qewlê me de bo te
Em ketin nav newalan û kendan
Emê civakparêziyê bidin gelên te

Welatê me hebûna te hebûna me ye
Tu war tu diyarê bav û kalên me yî
Tu ax û tu av tu hewa jiyana me yî
Em xelk û dozvanin tu dilê me yî

Em keç û lawên me welatparêzan
Heta welat azat nebe em nakenin
Me artêşek pêkanîn bo me gelan
Em ketin riya şoreşê em dimeşin

Em bimirin û pakrewanên welatin
Em bimînîn em xazî û xîretvanin
Me bo rizgariya gela sond xwar
Em şoreşgerê Kurdan û yê gelanin

25.07.2009
Yildirim