Tu Minminîka Rengînî Şiiri - Mehmet Çoba ...

Tu minminîka rengînî
Pir piçûkî pir hûrikî
Her baskê te gulgulîne
Tu mina sêva ferikî

Tu ji bo min yadîgarî
Tu dilîna min xweş zanî
Dildarîya nav dilanî
Tim giyanî, rih û canî

Minminîka per deqdeqî
Kirasê te rengrengîne
Tu xewnî û tu xeyalî
Hebûna te xweş evîne

Min re kelecan û coşî
Tu minminîka gulanî
Giranbih û pir hêja yî
Tu dilê min de şayanî

Tu yî hebûna biharê
Dilşaîya nav dilanî
Wek yara min pir şêrînî
Li xemla ser niştimanî

28.09.2019
Stenbol