Tozum qalar Şiiri - Sevinc Arzulu

Inamımız yox sabaha,
Ümidim bir tək Allaha.
Çəkə bilmirəm qəm daha,
Nə taqət,nə dözüm qalar.

Saf arzular qəlbindəki,
Qəmlənməsin qəlbin təki.
Qurtarmayıb qəlbimdəki,
Neçə-neçə sözüm qalar.

Ürək sözlərim yaradı,
Könlüm həsərtdən yaradır.
Həyat mö`cüzə yaradır,
Ruhum uçar,”Öz”üm qalar.

Göz çəkmirəm tər çəməndən,
Bənövşədən,yasəməndən.
Yə`qin ki yadigar məndən,
Şeirim,yazı-pozum qalar.

Lazım bilərsə yaradan,
Ayılmaram heç röyadan.
Sevinc,getsəm bu dünyadan,
Zərrə qədər tozum qalaq.