Toxu mene Şiiri - Sevinc Arzulu

Düş xəyalın gur yerinə,
Sözdən şahlıq qur yerinə.
Sal səsinin nur yerinə,
“Simayi-şəms oxu mənə.

Bu nə zülüm, bu nə qəsddir.
Tellərini azca əsdir,
Üzünücə görsəm bəsdir,
Sayma varı, yoxu mənə.

Dostum, tez et mənə zəngi,
Yoxsa ki başlaram cəngi.
Sevməyirəm sarı rəngi,
Mavi çələng toxu mənə.

Xəyallarında azıram ,
Görüşünə də hazıram.
Gözəl şeirlər yazıram,
Qibtə edir çoxu mənə.