Tox olarıq Şiiri - Sevinc Arzulu

Nədən könül dünyamızın,
Ilmələri üzülər?
Eşq-məhəbbət sonasının,
Kəlmələri düzülər.

Oxuyarıq kəlmə-kəlmə,
Hisslərimiz qarışar.
Ayrılığın dadın bilmə,
Qəm kədərlə barışar.

Qəm kədərlə barışmasın,
Yoxsa dünyam məhv olar.
Bir-biriylə yarışmasın,
Zəfər böyük səhv olar.

Bu səhvincə ucbatından,
Ayrılıb gedərik biz.
Məhəbbətin üst qatından
Sıyrılıb gedərik biz.

Gedib üzü sonsuzluğa,
Zülmətdə yox olarıq.
Dözəmmərik onsuzluğa,
Hicrana tox olarıq.