Teselli olar Şiiri - Sevinc Arzulu

Sel kimi aşıb daşsam da,
Qarlı dağları aşsam da.
Yüz il ömür yaşasam da,
Xoş günlərim əlli olar.

Insan olsa tox, güclüdür,
Dərd-qəmi yox, güclüdür.
Hissiyatım çox güclüdür,
Olacaqlar bəlli olar.

Qürur yatar mənliyində,
Vüsal oynar şənliyində.
Sadə, adi tənliyin də,
Gör neçə cür həlli olar.

Qanım ilinməz, ağlaram.
Dərdim silinməz, ağlaram.
Qədrim bilinməz, ağlaram,
Xoş sözün təsəlli olar.