Tersine axdı Şiiri - Sevinc Arzulu

Son sözünü fələk əvvəldən demiş,
Taleyimin fərəh payını yemiş.
Görürsənmi, həsrət nə zalım imiş,
Qılıncını necə köksümə taxdı.

Könül yaram qanamışdı deyəsən,
Son günlərin sanamışdı deyəsən.
Əğyar məni tanımışdı deyəsən,
Gizli-gizli dönüb əksimə baxdı.

Günəş çıxdı, dünya-aləm nurlandı,
Sakit həyat bir andaca şurlandı,
Zəlzələdən yer kürəsi fırlandı,
Dağ çayı da dönüb tərsinə axdı.