Tersanesi Şiiri - Sevinc Arzulu

Hicrin evi yıxılıbdır,
Vəslin əli sıxılıbdır.
Könüllərdə tikilibdir,
Məhəbbətin tərsanəsi.

Xatirələr dalaşır, bax
Sanki əkiz dolaşa, bax.
Dil-ağızda dolaşır, bax
Səadətin təranəsi.

Hər işini qəlp eyləyir,
Sanırlar ki qəlb eyləyir.
Çoxlarını cəlb eyləyir,
Xəyanətin tər sinəsi.

Gündüz gedir, gecə olur,
Qaranlıqlar vecə olur.
Özün düşün, necə olur,
Sədaqətin tərsinəsi.

Gəlib keçər minlər, zaman,
Göz önündə inlər kaman.
Könlüm onu dinlər yaman,
Qulağımda tarın səsi.
30/11/2017