Teraneye Şiiri - Sevinc Arzulu

Ay Təranə, Tanrıdan
Ümidin üzülməsin.
Göz yaşların inci tək,
Üzünə düzülməsin.

Övlad ağrısı nədir,
Mən də keçdim bu yolu.
Dünya böyük səhnədir,
Bilinməz sağı-solu.

Tezliklə keçib getsin,
Vüsalın ağrı-acısı.
Nübar arzuya yetsin,
Sevinsin qardaş-bacısı.

Daim köməyi olsun,
Səmadakı mələklər.
Kədərin gülü solsun,
Yolsun onu küləklər.

Başı üstdə dolaşsın,
Saf ruhu atasının.
Göy Tanrı bağışlasın,
Gənclərin xətasını.

Qoy atalı böyüsün,
Böyük-kiçik uşaqlar.
Vüsal ilə öyünsün,
Yaxınlar həm uzaqlar.

Uca Tanrı qorusun,
Sevdiyimiz kəsləri.
Evimizi bürüsün,
Daim gülüş səsləri.