Tenha qoymayır Şiiri - Sevinc Arzulu

Sən Tanrıdan istəcə,
Qədər yazar ustaca,
Danışıram astaca,
Yel səsimi yaymayır.

Evimi yıxan fələk,
Əlimi sıxan fələk.
Naxələf çıxan fələk,
Nədən məni saymayır?

Uçub gedər xəyalım,
Artar dərdi-məlalım.
Qərib düşən vüsalım,
Hicrin gözün oymayır.

Ayrılığın adəti,
Artırar ki nifrəti.
Görürsənmi həsrəti,
Hicri tənha qoymayır.

Al geyin, bəzən könül.
Yol gözlər düzən, könül.
Səs-küydən bezən könül,
Sükunətdən doymayır.