Ten olacağam Şiiri - Sevinc Arzulu

Sevgi üzüyümün qaşı olarsan,
Ən qiymətli almaz dası olarsan.
O qədər gözümün yaşı olarsan,
Özüm də axırda sən olacağam.

Sevən ürəyimdir hey sənsizləyən,
Yollarını daim güdən,izləyən.
Özgə baxışlardan səni gizləyən,
Duman olacağam,çən olacağam.

Dəli Kür tək Araz ilə yarışsam,
Tez inciyib tez də küsb barışsam.
Dəniz olsan,mən də sənə qarışsam,
Özümə qayıdıb mən olacağam.

Çox az qalıb güllü bahara,yaza
Dözümüm yox nə şaxtaya,ayaza.
Qəm-kədərdən dönəcəyəm bəyaza,
Qara saçlarında dən olacağam.

Ömrüm boyu köklənmişəm qəmində,
Yeri vardır kədərin də,qəmin də.
Əgər məni sevsən sənin qəlbində,
Sevinclə,fərəhlə tən olacağam.