Tellerimi daradım Şiiri - Sevinc Arzulu

Hardan bildi kədərliyəm, küskünəm,
Dalğaları sığal çəkər üstümə.
Baxıb,baxıb heyran oldum hüsnümə,
Dəniz güzgü.Tellərimi daradım.

Ləpələrdə ədaya bax, ədaya,
Həzi-həzin nəğmələnən sədaya.
Üzəmmədım uzaq, yaşıl adaya,
Qoynundaca xatirələr aradım.

Uşaqdan böyüyə bilir, ay canım,
Aynasıdır Xəzər Azərbaycanın,
Gətir mənə min bir rəngi, fırçanı
Rəssam olub tablosunu yaradım.