Telesdin Şiiri - Sevinc Arzulu

Durub küçəmizin başında eyzən,
Bir zaman adımı bağıran adam
Başına kədər tək yağsa da leysan,
Məni “Ay ürəyim.”çağıran adam.

Indi nə dəyişib, mən həminkiyəm,
Sən məndən aralı, gen dolanırsan.
Həmincə avamam, eh, həmin keyəm
Bilirəm, mənsiz də şen dolanırsan.

Bir azca asta ol, bir az da həlim,
Xatirən arada qalıb əzilər.
Məhəbbət çölündə vüsal heykəli,
Bir gün də əllərin ondan üzülər.

Heç kəsə deyilmiş sevdanın yolu,
De, səbrin çatarmı yolu getməyə.
Üşüdər yel- boran, vurar qar, dolu
Yamanca tələsdin vida etməyə.
11.11.2017