Tekce ayrılıkdır Şiiri - Sevinc Arzulu

Bezirəm vüsalın mışıltısından,
Uzaqdan ilğım tək işıltısından.
Bəzən ayrılığın xışıltısından,
Səksənib dururam yuxudan, canım.

Biz ki dayandırdıq qanlı icranı,
Ki bizdən uzaqda qalsın hicr anı.
Sənin həsrətindir, sənin hicranın,
Mənə son nəğməmi oxudan, canım.

Mən idim əzəldən türfə nigarın,
Sanırdım pozulmaz əhdin-ilqarın.
Ayrılıb gedəndə sevgili yarı,
Gözünün yaşını axıdan canım.

Verdiyi andı da qızıl səhm edib,
Sözünü dananda böyük səhv edib.
Aldığım libası qəsdən məhv edib,
Sökülən ilməni toxudan canım.

Ən uca zirvədə dayanır Vətən,
Olamaz, əzizim, ona kimsə tən.
Bilirsən, çəkinməm mən bir kimsədən,
Təkcə ayrılıqdır qorxudan, canım.