Tanrıya dua Şiiri - Sevinc Arzulu

Tanrı dərgahında yerim yuxarı,
Onunçun şairlik verilib mənə.
Yönünü dəyişməz suyun axarı,
Haqsızlıq görəndə yer edib mənə.

Mən ki bir kimsəni əyri süzmədim,
Xətrinə dəyəcək söz də demədim.
Baxçaya girib də gülün üzmədim,
Halalca qazandım, haram yemədim.

Günəşi görməkçün durum o başdan,
Məndən əsirgəməz şualarını.
ÜzümüTanrıya tutub yavaşdan,
Söyləyim ən gözəl dualarımı.