Tanrı seçimdedir Şiiri - Sevinc Arzulu

Göy düzdə çən görməmisən?
Sünbüldə dən görməmisən?
Demə ki sən görməmisən,
Kədər də mən biçimdədir.

Gecələr uya bilməzsən,
Səbəbin guya bilməzsən.
Baxmaqla duya bilməzsən,
Şeir mənim içimdədir.

Ay işığı xoşa gələr,
Vüsal deyən boşa gələr.
Qoşa gedər, qoşa gələr,
Nicran həsrət köçündədir.

Yandırıb qəm çırağını,
Gəzdim sahil qırağını.
Itiləyib orağını,
Fələk artıq biçindədir.

Aşiq hara getsın,bilmir.
Necə yara yetsin, bilmir.
Kimi xoşbəxt etsin, bilmir,
Tanrı hələ seçimdədir.