Talanmısan Şiiri - Sevinc Arzulu

Sən qış etdin baharımı,
Yek eylədin çaharımı.
Zəhərlədinnaharımı,
Gürzəmisən,ilanmısan.

Mənə lazım deyil sərvət,
Bəsimdir ülvi məhəbbət.
Edirsən yadlara hörmət,
Varlımısan,kalanmısan.

Nə pətəyim var,nə balım.
Qəriblikdə niyə qalım.
Nəyinə gərəkdir halım,
Sən qeydimə qalanmısan.

Qocalıqda solammadın,
Yüz yaşına dolammadın.
Heç vaxt doğru olammadın,
Riyamısan,yalanmısan.

Arazmısan ya Nilmisən,
Tək Sevinci yad bilmisən.
Qulduramı rast gəlmisən,
Soyulmusan,talanmısan.